Dukagjini mëson se pjesë e operacionit për lokalizimin e të dyshuarve për grabitjen e argjendarisë në Suharekë është edhe Njësia Speciale Intervenuese (NjSI).
Deri më tani, gjatë bastisjes NjSI ka gjetur antiplumb, maska dhe revole.
Po ashtu, edhe drejtori i Policisë së Kosovës, Gazmend Hoxha, është në vendin e ngjarjes.
Burimet e RTV Dukagjini bëjnë të ditur se gjatë një operacioni policor sot policia ka neutralizuar njërin nga të dyshuarit për grabitjen e armatosur në një argjendari në Suharekë, me ç’rast i njëjti ka mbetur i vrarë.
Personi që dyshohet se ka mbetur i vrarë është me inicialet D.G.
Po ashtu, dyshohet se gjatë aksionit është plagosur edhe një zyrtar i Policisë së Kosovës, i cili është jashtë rrezikut për jetë.
Burimet brenda policisë konfirmojnë qe polici i plagosur është hetues.
Deshmitarët ne kushte anonimiteti kanë treguar se kanë dëgjuar të shtëna të shumta me por me sugjerimin e policisë kanë qëndruar në hapësira të sigurta.
Aksioni është zhvilluar rreth orës 12:00-12:30.
Ndryshe, më 22 nëntor ka ndodhur një plaçkitje e armatosur në një argjendari në qytetin e Suharekës. Në tentativën për ta parandaluar plaçkitjen, është plagosur një polic i Kosovës në këmbë.
Nga ky incident, përveç një polici të plagosur, kishte mbetur edhe një tjetër i lënduar.
Gjykata e Prizrenit ka vendosur një muaj paraburgim për dy të akuzuarit në lidhje me grabitjen e një argjendari në Suharekë.
Të dy të akuzuarit, Albin Beqiri dhe Fatmir Tahiri, akuzohen për ndihmë në kryerjen e grabitjes së armatosur. Prokuroria ka kërkuar masën e paraburgimit gjatë një seance paraprake në Gjykatën e Prizrenit, ndërsa të akuzuarit janë dërguar në Burgun e Sigurisë së Lartë në Dyz.