Deputeti i Lëvizjes Vetëvendosje, Mefail Bajqinovci, ka thënë se “duhet spastrim i pamëshirshëm” në Korporatën Energjetike të Kosovës.
Ai, në një postim në Facebook ka kërkuar spastrimin e KEK-ut, paralajmëroi masa ndaj zyrtarëve të KEK-ut për shkak të ndërprerjes së ngrohjes nga Termokosi në Prishtinë të mërkurën.
“Duhet të merren masa ndaj sabotuesve në KEK. Duhet spastrim i pamëshirshëm dhe i menjëhershëm”, shkroi deputeti i VV-së.
KEK-u njoftoi se ngrohtorja e Termokosit do të furnizohet me energji elektrike nga dita e nesërme.