Policia e Kosovës ka dhënë detaje për personi i cili vdiq në vendin e punës të enjten në Prishtinë.
Në njoftimin e policisë është thënë se viktima nuk ka arritur t’i shpëtojë lëndimeve të marra pas rrëzimit nga objekti.
Lidhur me këtë rast, është arrestuar pronari i kompanisë ku punonte tashmë i ndjeri.
Me vendim të prokurorit, i dyshuari është dërguar në mbajtje, ndërsa trupi i pa jetë i viktimës është dërguar në IML për obduksion.