Tahir Batatina, trajner i skuadrës së Llapit e ka krahasuar veten me trajnerin e Manchester Cityt, Pep Guardiola.
Në një intervistë për “Indeksionline”, Batatina ka thënë se Guardiola është duke bërë senzacion në futbollin evropian, sikurse ai që po bën senzacion në futbollin kosovar.
“Sikur unë që bëra senzacion në Kosovë, njëjtë po bën edhe Guardiola, për arsye se është duke bërë diçka që pak trajnerë janë duke bërë”, ka deklaruar Batatina.
Ai ka deklaruar se Manchester City është favorit për ta fituar Ligën e Kampionëve dhe Premier League edhe këtë sezon.
Batatina gjatë karrierës së tij ka arritur të fitoj dy herë trofeun e Kupës së Kosovës, ndërkaq Guardiola llogaritet si njëri nga trajnerët më të trofeshëm në botë pas legjendës Alex Ferguson.