Kryeministri Albin Kurti ka folur për kabinetin e tij qeveritar, teksa ka thënë se deri më tani gjendja është shumë e mirë.
Lidhur me kryediplomaten kosovare, Donika Gërvalla, shefi i Qeverisë thotë se ajo është një politikane patriote dhe e pakorruptueshme.
“Donika Gërvalla-Schwarz është një politikane patriote, e pakorruptuar dhe e pakorruptueshme”.
“Përgjithësisht mendoj se jemi shumë mirë dhe kam funksionuar me të gjithë sic duhet. Më shumë se gjysma e kabinetit nuk janë nga Lëvizja Vetëvendosje, është një frymë e re që ka ardhur në Kosovë edhe sa i përket emërimeve dhe funksionimit. Besoj që do na shkojë mbarë e mirë”, tha Kurti në KTV.