Policia e Kosovës ka arrestuar sot tre persona në Aeroportin e Prishtinës “Adem Jashari”, pasi që dyshohet se kanë falsifikuar dokumentet, leje qëndrimin dhe pasaportën.
Siç njofton policia të arrestuarit tashmë janë dërguar në mbajtje, raporton Paparaci.
“Autoritetet e Policisë së Kosovës në Aeroportin Ndërkombëtar të Prishtinës, janë të përkushtuara për menaxhimin efikas dhe efektiv të kufirit shtetëror sipas standardeve më të avancuara ndërkombëtare”, njofton Policia.
