Përfaqësuesi spanjoll Pedri u largua nga çerekfinalja e Euros kundër Gjermanisë pas vetëm tetë minutash lojë.
Toni Kroos bëri një faull ndaj yllit të Barcelonës, i cili për këtë arsye është dashur të largohet shumë herët nga loja dhe interesant është se ish-lojtari i Realit nuk ka marrë as karton të verdhë.
Gazetari spanjoll Alfredo Martinez zbuloi në pjesën e parë të ndeshjes në Shtutgart se Pedri kishte përfunduar paraqitjen e tij në Euro.
“Pedri e ka ndrydhur gjurin e majtë, do të bëhen teste shtesë në fund të lojës, por Euro për të ka përfunduar”, ka shkruar Martinez.