Analisti Imer Mushkolaj ka komentuar reagimin e presidentes Vjosa Osmani për vrasjen në një dasmë në Ferizaj në të cilën është vrarë xhaxhai i bashkëshortit të saj, Prindon Sadriu.
Në këtë postim ajo kërkoi hetimin e mediave. Këtë thirrje Mushkolaj e ka cilësuar si shumë të rrezikshme.
“Shumë e rrezikshme thirrja e presidentes për hetimin e Nacionales dhe mediave të tjera, si dhe krahasimi i tyre me media të Serbisë”, ka shkruar Mushkolaj.
“Pakënaqësitë në lidhje me raportimin presidentja duhet t’i adresojë në organizata dhe institucione përkatëse, e jo t’i sulmojë mediat dhe të bëjë thirrje që ato të hetohen”, ka shkruar ai.