Donald Trump ka përjashtuar mundësinë e kandidimit për president në vitin 2028 nëse ai humbet zgjedhjet e nëntorit, ndaj Kamala Harris.
“Jo, nuk e shoh, nuk e shoh”, është shprehur 78-vjeçari gjatë një emisioni televiziv.
“Nuk mund ta imagjinoj fare. Besoj se do të jetë deri këtu”.
Megjithatë, ai shtoi se shpreson për një sukses më 5 nëntor në zgjedhjet presidenciale.
Trump, i cili kurrë nuk e ka pranuar humbjen ndaj Joe Biden në 2020, ka refuzuar vazhdimisht në muajt e fundit të zotohët se do të njohë pa kushte rezultatin e votimit të nëntorit.