Bekim Haxhiu, deputet i PDK-së, ka folur në lidhje me çështjen e ushqimit të ushtarëve të FSK-së, një temë e debatuar shumë kohëve të fundit.
Haxhiu ka pretenduar se 16 ushtarë të FSK-së janë dërguar në komision disiplinor pasi u ushqyen jashtë.
Sipas Haxhiut, ushtarëve nuk iu mjaftoi ushqimi.
“Unë e thash dje në Kuvend se janë dërguar në Komision Disiplinor 16 ushtarë të FSK-së për shkak se kanë dalë me u ushqyer jashtë sepse ushqimi i brenda nuk është i mjaftueshëm dhe nuk është pastaj i kemi edhe disa publikime të tjera se 20 ushtarë nga jashtë kanë fut ushqim brenda. Nuk ka ndodhur asnjëherë që kompanitë, restaurantet tjera fasst food-et që të shpërndajnë ushqim nëpër kazermat e ushtrisë. Ushtarët e FSK-së, oficerët e saj kanë bërë një punë të mrekullueshme dhe në këtë institucion që ka vlerësime më të mëdha nga qytetarët dhe këto të futen në hajni që të vidhet në bukën e ushtarëve është skandaloze”, tha Haxhiu në Tëvë 1.