Arsenali ka shënuar fitore në shtëpi, duke e mposhtur Nottingham Forest me rezultat 3:0 në kuadër të javës së 12-të në Premierligë.
Bukayo Saka kaloi vendasit në epërsi pas asistit nga Martin Odegaard.
Me epërsinë minimale të “Topçinjve” u mbyll edhe pjesa e parë.
Thomas Partey shënoi për 2:0 gjashtë minuta pas inkuadrimit në lojë, pas asistit nga Saka.
E në minutën e 86-të, Nwaneri shënoi për 3:0, pas asistit nga Sterling, i cili ishte i pari për të me fanellën e Arsenalit.
Me këtë fitore, tani ekipi i drejtuar nga Mikel Arteta shkon në kuotën e 22 pikëve në vendin e katërt, kurse Nottingham bie në vendin e gjashtë me tri pikë më pak.