Publicisti dhe udhëheqësi i mediumit Nacionale, Berat Buzhala është kërcënuar me vrasje të dielën në mesnatë.
Buzhala ka njoftuar sot se është kanosur përmes një mesazhi në rrjetet sociale nga një llogari në rrjetet sociale me emrin Valon Karanezi.
Karanezi i ka thënë Buzhalës se “besën e shqiptarit po ta japë se pa të vra ty e do si ti se lo”.
“Dije ditët e numrume i ki jo veq pi meje po ke t’fala prej popullit Kosovar”, thuhet në mesazhin që e ka pranuar Buzhala, të cilin e ka publikuar në rrjetin social Facebook.
Buzhala ka thënë se kërcënimi ndaj tij vjen si pasojë e sulmeve të kryeministrit Albin Kurti ndaj gazetarëve.
“Këto jane pasojat e denoncimeve të rrejshme të kryeministrit të vendit kundër gazetarëve. Dikush ndodh edhe që i beson”, ka thënë Buzhala.