Kuvendi i Kosovës ka miratuar projektligjin për Byronë Shtetërore për Verifikimin dhe Konsifikimin e Pasurisë së Pajustifikueshme.
Kryetari i Kuvendit, Glauk Konjufca ka njoftuar se miratimi i këtij projekligji është bërë me 62 vota për, asnjë kundër dhe asnjë abstenim.
“Më 62 vota për, asnjë votë kundër, asnjë abstenim konstatoi se Kuvendi e miratoi Byroja Shtetërore për Verifikimin dhe Konsifikimin e Pasurisë së Pajustifikueshme”, u shpreh ai.
Më herët, deputeti i LDK-së, Driton Selmanaj ka thënë se LDK nuk e mbështet ligjin aktual të Byrosë për Konfiskimin e Pasurisë së Pajustifikueshme.
Selmanaj ka thënë se kjo byro me ligjin aktual rrezikon “me lehtësinë më të madhe të kthehet në instrument persekutimi të kundërshtarëve politik”.