Presidentja e Kosovës, Vjosa Osmani ka pritur të enjten në drekë pune homologen e saj sllovene, Nataša Pirc Musar.
Osmani ka thënë se Sllovenia mbetet një nga aleatët dhe miqtë tanë më të ngushtë.
“Diskutuam për zhvillimet e fundit në fushën e sigurisë, përkushtimin tonë për integrimin euroatlantik dhe për thellimin e bashkëpunimit mes dy vendeve tona. I shpreha mirënjohjen për kontributin e trupave sllovene në kuadër të KFOR-it, të cilët Presidentja Musar i vizitoi mbrëmë me rastin e festave të fundvitit”, ka shkruar Osmani.