Kryetari i NISMA-s, Fatmir Limaj ka thënë se ka politikanë që në fushatë thjeshtë e shesin vetën.
Sipas Limaj, derisa të njejtit bëjnë veprime që s’i kanë bërë për katër vjet, por vetëm në kohë fushate, i bie që po shesin vetën për vota.
“Ata po dojnë me shit veten, ju ka thënë dikush dil gjuaje herë topin në basketboll, se ndonjë sportist, basketbollist kështu do. E dikujt tjetër i ka thënë dil pije një kafe në qytet, jo këtu, jo atje. Gjithkund ndodh kjo. Janë të mira, por këto nuk duhet me ndodh një muaj në fushatë. Nuk shkohet me grua në Tregun e Gjelbër veç kur të vjen fushata”, tha Limaj në emisionin “Oxygen”.