Policia e Kosovës, njofton se është ekstraduar nga Shqipëria shtetasi i Shqipërisë, i cili ishte shpallur në kërkim nga autoritetet e Kosovës.
Në raportin 24 orësh të Policisë, thuhet se ekstradimi i personit të arrestuar është bërë në pikëkalimin kufitar në Vërmicë, të hënën rreth orës 12:50.
“PKK Vërmicë / 27.01.2025 – 12:50.Raportohet se është bërë pranimi i të ekstraduarit nga Shqipëria mashkull shtetas i Shqipërisë i shpallur në kërkim nga autoritetet kosovare. Personi është pranuar nga njësia përkatëse e Policisë së Kosovës”, thuhet në njoftim.