Kryeministri i Serbisë, Millosh Vuçeviq ka dhënë dorëheqje të parevokueshme nga posti i shefit të qeverisë serbe, pas ngjarjeve të mbrëmshme në Novi Sad, ku anëtarë të SNS-it rrahën disa studentë.
Vuçeviq tha se sot në mëngjes është zgjuar dhe ka parë ngjarjet e konfliktit në Novi Sad, ku është plagosur një vajzë.
“Pas kësaj ngjarje të mbrëmshme në Novi Sad, vendimi im i parevokueshëm është që të jap dorëheqje nga posti i kryeministrit”, tha Vuçeviq.
Presidenti serb Aleksandar Vuçiq bëri thirrje dje për “rindërtimin më urgjent dhe masiv të qeverisë” së Serbisë, ku ka paralajmëruar shkarkimin e më shumë se gjysmës së ministrave.