Kryeministri Albin Kurti ka vazhduar ofensivën kundër biznesmenëve “Devolli”.
Nga qyteti i tyre i lindjes, Peja, Kurti sikurse në tubimin e parë edhe në tubimin përmbyllës “sulmoi” vëllezërit Blerim e Shkëlqim Devolli.
Ai iu bëri thirrje që të kthejnë paratë e fituara nga Gjykata e Arbitrazhit në rastin e njohur si “Dardafon”.
“Këta (Devolli) hala nuk i kanë kthy paret e Telekomit. Blerim e Shkëlqim ktheni paret. Nuk janë t’uajat. Me arbitrazh të kurdisur i kanë marrë ato pare. Ku është tash Z-mboile vetëm një punëtor e ka. 62.6 milionë euro duhet me i kthy”, tha kryeministri Kurti në fjalimin e tij.
Kurti ishte kritikuar ashpër për “sulmet” e tij të vazhdueshme ndaj dy biznesmenëve më të mëdhenj në Kosovë, Blerim e Shkëlqim Devolli.