Gazetari Vehbi Kajtazi ka reaguar ndaj deklaratës së turpshme të Luan Gacaferit, kandidatit për deputet në listën e Lëvizjes Vetëvendosje, për gjendjen shëndetësore të ish-presidentit Hashim Thaçi.
Gacaferi e ka vlerësuar “lajm të mirë” përkeqësimin e gjendjes shëndetësore të ish-presidentit Hashim Thaçi, i cili po mbahet në paraburgim në Hagë.
Në një postim në rrjetin social Facebook të martën, Gacaferi, i cili përfaqëson partinë Guxo në listën e Vetëvendosjes, e cilësoi “lajm të mirë” edhe vazhdimin e paraburgimit ndaj Thaçit.
Ndaj komenteve të Gacaferit, ka reaguar gazetari Kajtazi, i cili e ka quajtur “një llum” kandidatin për deputet.
“Qyky tipi qe doket si njeri pritet me qene deputet ne Kuvendin e Kosoves. Është i listës Guxo të udhëhequr nga Donika Gërvalla dhe Faton Peci”, ka thënë Kajtazi.
“Këtë tipin që doket si njeri e ka votu populli në listë me Albin Kurtin. Është mes llumave që i ka pri Albin Kurti në garën elektorale për ta udhëheq Kosovën në 4 vjetet e ardhshme”.
Kandidati i LVV-së i gëzohet përkeqësimit të gjendjes shëndetësore të Thaçit