Ndeshja më e rëndësishme e Kosovës për parakualifikimet në Kampionatin Botëror është duke u zhvilluar pa përkrahjen e tifozëve të kombëtares, “Dardanët”.
Kosova është nikoqire e Azerbajxhanit në Pallatin e Rinisë dhe Sporteve, ku fitorja është më se e rëndësishme për të mbajtur gjallë shpresat për kalimin tutje në fazën e radhës.
Megjithëse kënga e “Dardanëve” jehonte në palestër nga audio të ndryshme, zëri i tyre nuk dëgjohej gjëkundi.
Pjesa e dedikuar për tifozët ultras ishte e boshatisur plotësisht.
Kosova e Azerbajxhani ndajnë pikët e njëjta në grup, nga pesë pikë, kurse lidere e Grupit A është Zvicra.