Një aksion i Policisë bashkë me Prokurorinë Themelore në Prizren u zhvillua të martën, si vazhdimësi e një rasti të mëhershëm dhe cak kishte personat e përfshirë në veprimtarinë e kundërligjshme të fajdes.
Nga Prokuroria Themelore në Prizren për Paparacin kanë konfirmuar se janë arrestuar dy persona, të cilët dyshohen për veprën penale “Fajdeja”.
Tutje bëhet e ditur se gjatë aksionit janë sekuestruar para të gatshme, armë, si dhe dy automjete.
“Të njëjtit tashmë janë proceduar dhe pritet të ndërmerren veprimet e nevojshme brenda afatit ligjor”, thuhet tutje në konfirmim.