Rreshteri Muhamed Lika, që mbeti i vrarë mbrëmë në hyrje të banesës së tij në Kaçanik, do të varroset sot.
Lajmin për varrimin e tij e bën familjarët, teksa thuhet se ceremonia e varrimit mbahet pas orës 17:00 në Varrezat e Dëshmorëve.
“Të nderuar familjarë, miq dhe dashamirë, me dhimbje të thellë ju njoftoj se ka ndërruar jetë daja im Muhamed Lika. Varrimi i tij do të bëhet sot, pas orës 17:00 te varrezat e dëshmorëve! Allahu e mëshiroftë!”, thuhet në njoftimin mortor.
I dyshuari për vrasjen e tij, sipas policisë, ende mbetet në arrati.
Vrasja e së martës është e pesta për dhjetë ditë në Kosovë. Dy persona u vranë dhe një u vetëvra në Vushtrri. Një tjetër është vrarë në Prishtinë.