Lidhja Demokratike e Kosovës tha se kryesuesi i seancës konstituive të Kuvendit të Kosovës nuk ka të drejtë të ftojë në konsulta partitë politike.
Doarsa Kica-Xhelili, nënkryetare e LDK-së, tha se ajo që bëri Dehari është “një gjë e paprecedent”.
“Kjo që bëri kryesuesi i kuvendit, është gjë e paprecedent. Ai nuk ka të drejtë të ftojë akterët për asnjë konsultim të kësaj natyre. Ajo që mund të bëjë në këtë fazë që të formohet komisioni për verifikimin e mandateve, apo ta rivendos në votim raportin e seancës së kaluar”, tha Kica-Xhelili.