Policia ka dhënë detaje në lidhje me aksidentin në magjistralen Pejë-Prishtinë, ku është përfshirë një automjet i KFOR-it.
Detajet i ka konfirmuar zëdhënësi i policisë për rajonin e Pejës, Driton Rugova, duke bërë të ditur se nga ky aksident nuk ka pasur të lënduar.
“Sot rreth orës 14:50, Policia është njoftuar për një aksident trafiku i cili ka ndodhur ne magjistralen Pejë-Prishtinë tek terminali doganor në Pejë, në këtë aksident ishin të involvuara një automjet i KFOR-it dhe një veturë civile, fatmirësisht nuk ka pasur persona të lënduar”, thuhet në konfirmim.