Avokati Arianit Koci e ka ftuar në takim kryeministrin në detyrë Albin Kurti.
Koci e ftoi Kurtin në takim pas përfundimit të seancës së sotme konstituive. Tha se do ta presë kryetarin e Vetëvendosjes para derës së kuvendit.
“E ftoj Albin Kurtin që pas seancës – të takohet me mua. Po e pres para derës së Kuvendit!”, shkroi Koci në rrjetin social Facebook të hënën.
Avokati që po proteston para Kuvendit të Kosovës kundër bllokadës institucionale, tha se do të kërkojë shpjegim nga Kurti për krizën në Kuvend.
“Ashtu siç kanë bërë shumë deputetë të tjerë, le të më shpjegojë pse nuk po gjejnë zgjidhje që 29 herë me radhë. Pse populli pret – ndërsa deputetët merren me punë të veta”, tha ai.
“Marrin rroga pa punuar! Nëse ka përgjigje – le ta thotë. Nëse jo – le ta dëgjojë të vërtetën nga unë”.