Analisti Visar Ymeri, në emisionin VV Show, ka thënë se në Serbi pushteti i presidentit Aleksandar Vuçiq shtrihet edhe mbi gjykata, gjë që bën që ndjekjet gjyqësore të mos jenë gjithmonë të natyrës ligjore.
“Në Serbi, fatkeqësisht, për shkak të pushtetit enorm që e ka Vuçiqi mbi çdo gjë tjetër, e ka edhe në gjykata. Kështu që përndjekja në Serbi mund të bëhet edhe për arsye politike, nuk është domosdoshmërisht përpjekje gjyqësore,” tha Ymeri.
Ai shtoi se një person i dënuar në Serbi mund të shihet si armik i pushtetit dhe për këtë arsye të bëhet i rëndësishëm dhe i përdorshëm për Kosovën.
“Dhe këta, momentin që shkojnë në Serbi, i arrestojnë sepse kanë vuajtje të dënimit. Z. Llaban mendoj që do ta rrezikonte të njëjtën gjë. Këta e kanë një arsye shtesë për me i pas mirë punët me institucionet e Kosovës,” u shpreh Ymeri.