Kandidati i Lidhjes Demokratike të Kosovës (LDK) për Istog, Ilir Ferati, mbrëmë qëndroi në Dubravë ku ishte mysafir në familjen Kelmendi.
Gjatë takimit, Ferati bisedoi me qytetarët për punët e realizuara deri më tani dhe për rrugëtimin e përbashkët që e pret Istogun në të ardhmen. Ai shprehu mirënjohje të veçantë për mbështetjen e vazhdueshme që po merr nga qytetarët, duke theksuar se kjo është forca më e madhe e fitores së LDK-së në Istog.
“Faleminderit nga zemra për mbështetjen e vazhdueshme. Rrugëtimi ynë vazhdon,” ka deklaruar Ferati, duke ritheksuar vizionin e tij për një Istog më të zhvilluar dhe më pranë qytetarëve.