Kandidatja për kryetare të Prishtinës, Besa Shahini, ka bërë të ditur se plani i saj për shkollat dhe çerdhet do të jetë prioriteti kryesor dhe do të nisë zbatimin që në ditën e parë të qeverisjes.
Në një takim me organizatat joqeveritare që veprojnë në fushën e arsimit dhe rinisë – TOKA, ETEA, LAPS dhe ORCA – Shahini ka zhvilluar një diskutim të vlefshëm për politikat arsimore të komunës, duke theksuar rëndësinë e bashkëpunimit me organizatat që mbështesin arsimin.
Ajo ka deklaruar se këto organizata “janë dhe do të mbeten aleate kyçe në transformimin e sistemit arsimor të Prishtinës, nga infrastruktura e shkollave, te cilësia e mësimdhënies dhe përfshirja e çdo nxënësi”.