Departamenti i Gruas në kuadër të Bashkësisë Islame të Kosovës – dega në Mitrovicë, ka ndarë një mirënjohje të veçantë për asamblisten Majlinda Kurti, në shenjë falënderimi për bashkëpunimin e saj të gjatë dhe përkushtimin e treguar gjatë katër viteve të fundit.
Në tekstin e falënderimit, Departamenti vlerëson zemrën e madhe dhe punën e palodhshme të Kurti-t, si dhe kohën dhe angazhimin e saj në përkrahje të aktiviteteve që synojnë të rrënjosen parimet dhe vlerat e larta të fesë islame.
Ky gjest simbolik u bë për të shprehur mirënjohjen ndaj kontributit të saj në avancimin e rolit të gruas dhe mbështetjen e vazhdueshme në aktivitetet fetare e shoqërore në Mitrovicë.
Ndërkohë, Majlinda Kurti u ka premtuar se bashkëpunimi do të shkojë vetëm duke u forcuar.