Kryetari i Ferizajt, Agim Aliu njofton se ka nisur ndërtimi i kopshtit për fëmijë në fshatin Dardani.
Ai thotë se ky është bashkëfinancim i komunës me Ministrinë e Arsimit.
“Bashkë me Ministren Arbërie Nagavci, vumë sot gurthemelin e kopshtit për fëmijë në fshatin Dardani, bashkëfinancim i Komunës me Ministrinë e Arsimit, kërkesë kjo e angazhim i komunitetit të fshatrave të kësaj zone, strehë kjo e ngrohtë për qindra fëmijë të kësaj zone”.