Kandidati i PDK-së për kryetar të Vushtrrisë, Ferit Idrizi, ka mbajtur një takim me dhjetëra banorë të Pestovës.
Ai ka marrë përkrahje pa dallim partie.
“Si gjithmonë kënaqësi takimi me banorët e Pestovës, të cilët i falënderoj nga zemra për pritjen e ngrohtë dhe për mbështetjen e vazhdueshme”, ka thënë Idrizi.
“Bashkë me partnerët e koalicionit, kryetarin e AAK në Vushtrri, Mensut Ademi, dhe drejtorin për Mbrojtje dhe Shpëtim, Maliq Ferizi, takuam njerëzit punëtorë dhe të përkushtuar të komunës sonë”, ka thënë ai.
Bashkë kanë biseduar për projektet që ka realizuar.
“Diskutuam për prioritetet që kemi realizuar gjatë këtij mandati dhe për planet e ardhshme për zhvillimin e komunës. Përkrahja e qytetarëve po vazhdon të jetë e madhe, pa dallim partie”, ka thënë ai.