Ushtria izraelite (IDF) ka publikuar pamje të tërheqjes nga Rripi i Gazës sipas marrëveshjes për t’i dhënë fund luftës në Gaza që hyri në fuqi pasi u miratua nga një mbledhje e kabinetit të udhëhequr nga Benjamin Netanyahu.
Një video e publikuar sot tregon një konvoj të madh automjetesh të blinduara që largohen nga pozicionet e tyre të mëparshme.
Mekanizmi i Mbrojtjes Civile në Gaza këtë mëngjes u bëri thirrje banorëve të mos i afrohen zonave ku janë të stacionuara forcat izraelite në Rrip.
Gjithashtu u jep udhëzime njerëzve që të mos i afrohen kufijve të enklavës derisa të njoftohet zyrtarisht tërheqja e IDF-së.
“Shkelja e këtij paralajmërimi vë jetën tuaj në rrezik”, thuhet në deklaratë.
Ndërkohë, ushtria izraelite njoftoi se një ushtar u vra në një sulm snajperi të Hamasit në qytetin e Gazës të enjten pasdite.
Sulmi me snajper erdhi pasi negociatorët izraelitë dhe të Hamasit nënshkruan një marrëveshje në Egjipt për të liruar të gjithë pengjet e mbajtura nga grupi në Gaza.
Armëpushimi si pjesë e marrëveshjes nuk kishte hyrë ende në fuqi kur u krye sulmi.
WATCH: Israeli forces withdrawing from Gaza earlier today after Israeli cabinet approved the deal. pic.twitter.com/Ipp2fR2JwD
— Clash Report (@clashreport) October 10, 2025