Kryetari i Mitrovicës, Bedri Hamza, u ka bërë thirrje qytetarëve që të bashkohen në protestën gjithëkombëtare që do të zhvillohet të premten në Tiranë kundër Gjykatës Speciale. Tubimi do të mbahet në sheshin “Skënderbej”, duke filluar nga ora 17:00.
Hamza u bëri apel qytetarëve të marrin pjesë masivisht në këtë protestë, “në përkrahje të ish-udhëheqësve të UÇK-së dhe themeluesve të Republikës së Kosovës, që po mbahen padrejtësisht në Hagë.”
“Të premten, në orën 17:00, të gjithë në Tiranë! 👍🏻
Le të bashkohemi në protestën gjithëkombëtare në përkrahje të ish-udhëheqësve të UÇK-së dhe themeluesve të Republikës së Kosovës, që po mbahen padrejtësisht në Hagë.
Nuk mund të heshtim kur po ndryshohet historia jonë! 🇽🇰🇦🇱”