Nënkryetari i Pejës, Shkumbin Gashi me një mesazh të veçantë ka thënë se nesër Peja vendos për të ardhmen që do. E kjo e ardhme, sipas tij, është vetëm me Gazmed Muhaxherin si kryetar i qytetit.
Ai ka thënë se Peja për Gazin është dashuria e tij e madhe. Sipas tij, ata që politikën e shohin si vend për inate e bartës qante në të kaluarën, nesër do të kuptojnë se Peja nuk i pranon ata që nuk punojnë.
Postimi i tij i plotë:
Nesër në Pejë vendosim për të ardhmen që duam; vendosim për punën, zhvillimin dhe qytetarinë që e ka ndërtuar me përkushtim gjithë këto vite Gazmend Muhaxheri.
Duke qenë pranë tij, e kam parë nga afër përkushtimin e jashtëzakonshëm, profesionalizmin dhe dashurinë e madhe që Gazi ka për qytetin dhe njerëzit e Pejës. Gazi e njeh çdo rrugë e çdo lagje, sepse Peja është dashuria e tij më e madhe.
Ndërsa disa që e shohin politikën si vend për inate e bartës qante në të kaluarën, nesër do ta kuptojnë se Peja nuk i pranon ata që s’punojnë e s’duan qytetin.
Peja voton për punë, për vlera, për njerëz që e duan qytetin e vet, jo për ata që kujtojnë se mund ta blejnë dashurinë e saj.
Nesër, flet Peja!
Nesër, le të bëhemi të gjithë bashkë për Gazin! Për LDK-në, për qytetin tonë, për fëmijët dhe familjet tona.
Për Pejën që punon, që beson, që fiton!