Ambasadori i Serbisë në SHBA, Marko Gjuriq, ka akuzuar kryeministrin Albin Kurti se vetë votoi në zgjedhjet e një shteti tjetër, ndërsa nuk i lejoi serbët në Kosovë të votojnë.
“Albin Kurti – i njëjti njeri që më parë votoi në zgjedhjet shqiptare (kundër qeverisë shqiptare) – tani po ua mohon serbëve në Kosovë të drejtën për të votuar me pretekstin se qytetarët e një vendi nuk mund të votojnë në zgjedhjet në një tjetër”, ka shkruar Gjuriq në një postim në Twitter.
Gjuriq i bëri këto komente pasi krerët e shtetit kosovarë nuk lejuan që sot të mbahej referendumi i Serbisë edhe në Kosovë.
Mirëpo, Qeveria e Kosovës të njëjtën mënyrë sesi ka votuar Kurti në Shqipëri, ua ka lejuar edhe serbëve, duke mos ua mohuar që të shkojnë në Serbi të votojnë.
Albin Kurti – the same man who previously voted in Albanian elections (against the Albanian government) – is now denying #Serbs in Kosovo* the right to vote under the pretext that citizens of one country cannot vote in elections in another. pic.twitter.com/G20UhjRsUt
— Марко Ђурић (@markodjuric) January 16, 2022