Kryetari i AAK-së, Ramush Haradinaj ka pritur sot të ngarkuarën me Punë në Ambasadën e SHBA-së, Anu Prattipati.
Ajo ishte e shoqëruar nga këshilltarja për çështje politiko-ekonomike Amy Reichert.
“Diskutuam mbi zhvillimet politike, zgjedhjet e ardhshme të 28 dhjetorit dhe urgjencën e formimit të institucioneve që dalin prej tyre në afatin sa më të shkurtër, kjo si parakusht për ta kthyer normalitetin në vend dhe perspektivën integruese euro-atlantike”, ka thënë Haradinaj në njoftimin për takim.