Prokurori i Prokurorisë së Posaçme Anti-Korrupsion (SPAK) në Shqipëri, Klodian Braho është zgjedhur sot kryetar i ri i SPAK.
Ai u zgjodh kryetar i SPAK me shtatë vota të anëtarëve të Këshillit të Lartë të Prokurorisë, organit më të lartë të sistemit prokurorial në Shqipëri.
Braho do të ketë një mandat tre-vjeçar në krye të SPAK.
Prokurori, i cili ka hetuar disa raste të rangut të lartë të korrupsionit, është prokuror në SPAK nga viti 2020.
Në mesin e dosjeve që ka hartuar Braho janë ato të ish-Kryeprokurorit të Shqipërisë, Adriatik Llalla dhe ajo e njohur si Toyta Yaris, pjesë e të cilit hetim ka qenë edhe ish-drejtuesi i Prokurorisë së Vlorës.
Braho do të zëvendojë në pozitë Altin Dumanin, prokurorin që drejtoi SPAK në tri vitet e fundit.