Kreu i Lidhjes Demokratike të Kosovës, Lumir Abdixhiku, ka reaguar pas një tubimi madhështor të LDK-së në Viti.
Abdixhiku ka thënë se pritja në të gjithë qytetin, ku kishte edhe numër të madh të mërgimtarëve ishte e veçantë.
Ai ka thënë se e gjithë kjo pritje nuk ishte e rastësishme dhe se një pritje të tillë pret në tërë Kosovën.
Postimi i plotë:
Vitia e përforcuar me Mërgatë
Në sallë e në shesh, ishte krejt e veçantë.
Një qytet i gjallë, i bashkuar dhe i vendosur në kërkim të ndryshimit të madh që i duhet Kosovës sot.
Kjo energji që gjetëm në Viti nuk është rastësi. Është shenjë e një vetëdijeje që po rritet kudo në Kosovë: se vendi ka nevojë për drejtim të qartë, për institucione që funksionojnë dhe për politikë që i shërben qytetarit.
Vitia e Sokol Halitit është gati për Lidhjen tonë.
Vitia në listën e LDK-së përfaqësohet nga kandidatë me përvojë, profesionalizëm dhe përkushtim: me numër 72 Vjollca Kadolli Halili; me numër 73 Halil Musliu; me numër 74 Faruk Nura; me numër 75 Lirie Aliu; me numër 77 Lumbardh Salihu, si dhe nga dy kandidatë tanë nga mërgata, me numër 88 Ramadush Emini dhe me numër 91 Xhavit Islami.