NATO ka përshëndetur bisedimet e zhvilluara mes presidentit të SHBA-së, Donald Trump, dhe sekretarit të përgjithshëm të aleancës, Mark Rutte, duke i cilësuar ato si “shumë produktive”, me fokus të veçantë sigurinë në rajonin e Arktikut.
Zëdhënësja e NATO-s, Allison Hart, tha se diskutimet janë përqendruar në krijimin e një kuadri bashkëpunimi mes aleatëve për të garantuar stabilitetin dhe sigurinë në këtë rajon strategjik.
“Diskutimet midis aleatëve të NATO-s mbi kuadrin që presidenti përmendi do të përqendrohen në sigurimin e sigurisë së Arktikut përmes përpjekjeve kolektive të aleatëve, veçanërisht shtatë aleatëve të Arktikut”, deklaroi Hart.
Ajo shtoi se negociatat ndërmjet Danimarkës, Groenlandës dhe Shteteve të Bashkuara do të vazhdojnë, me synimin që të parandalohet çdo përpjekje e Rusisë dhe Kinës për të siguruar ndikim ekonomik apo ushtarak në Grenlandë, shkruan DW.
Sipas NATO-s, bashkëpunimi i ngushtë mes aleatëve mbetet thelbësor për ruajtjen e sigurisë në Arktik, në një kohë kur rajoni po fiton gjithnjë e më shumë rëndësi strategjike në skenën ndërkombëtare.