Aeroporti i Dubait ka konfirmuar se nga mbrëmja e sotme, 2 mars, do të rikthehen pjesërisht fluturimet.
Sipas njoftimit zyrtar, një numër i vogël fluturimesh do të lejohen të operojnë nga Dubai International Airport (DXB) dhe Al Maktoum International Airport (DWC).
Autoritetet bëjnë të ditur se rikthimi do të jetë gradual dhe i kontrolluar, me prioritet për disa fluturime të përzgjedhura.
Udhëtarët këshillohen të mos paraqiten në aeroportet DXB apo DWC nëse nuk janë kontaktuar drejtpërdrejt nga kompania e tyre ajrore me konfirmim për orën e nisjes.
Zyrtarët theksojnë se komunikimi me pasagjerët do të bëhet përmes linjave ajrore përkatëse dhe se çdo zhvillim i mëtejshëm do të njoftohet në vijim.