Kandidati i PDK-së për deputet, Rrahman Rama, ka zhvilluar një takim me përfaqësues dhe aktivistë të nëndegëve të Partisë Demokratike të Kosovës në qytetin e Vushtrrisë.
Përmes një postimi në rrjetet sociale, Rama e cilësoi takimin si një mbrëmje të veçantë, duke vlerësuar angazhimin e vazhdueshëm të aktivistëve të PDK-së, të cilët, sipas tij, nuk janë ndalur asnjëherë së punuari për partinë dhe qytetarët.
“Mbrëmje e mrekullueshme me nëndegët e PDK-së brenda qytetit të Vushtrrisë. Me këta punëtorë të mëdhenj që asnjëherë nuk u ndalën, është gjithmonë kënaqësi”, ka shkruar Rama.
Ai shprehu falënderim për mbështetjen e marrë nga strukturat dhe simpatizantët e partisë, duke e konsideruar atë si një shtysë të rëndësishme në garën zgjedhore.
“Faleminderit për mbështetjen!”, ka përfunduar ai postimin e tij, duke e shoqëruar me sloganin e fushatës “#Rr7”.