Një grua ka vdekur si pasojë e lëndimeve të marra pasi dyshohet se ka rënë nga lartësia e një ndërtese në Fushë Kosovë.
Lajmin e ka konfirmuar zëdhënësja e Policisë së Kosovës për rajonin e Prishtinës, Flora Ahmeti.
Sipas saj, rasti është duke u hetuar.
“Sot rreth orës 12:00, kemi pranuar informatën se një person ka rënë nga një ndërtesë në rrugën Abedin Sogojeva në Fushë Kosovë. Viktima (femër) nuk ka përballuar lëndimet dhe e njëjta ka vdekur. Vdekjen e viktimës e ka konstatuar ekipi mjekësor në vendngjarje” – thuhet në përgjigje.
“Policia në koordinim me prokurorinë kanë nisë një hetim lidhur me këtë rast” – ka thënë Flora Ahmeti.