Ekipet speciale hoqën emrin e presidentit të SHBA-së Donald Trump nga Qendra Kennedy për Artet Performuese herët këtë mëngjes, më pak se gjashtë muaj pasi u vendos në fasadën e ndërtesës, pas një vendimi gjykate që monumenti nuk mund të riemërtohet pa një akt të Kongresit.
Qendra Kennedy e hoqi emrin e Donald Trump nga faqja e saj e internetit të hënën. Bordi i drejtorëve të Qendrës, kryetar i së cilës është Trump, kishte vendosur ta riemëronte atë në “Qendra Memoriale Donald J. Trump dhe John F. Kennedy për Artet Performuese” në dhjetor.
Puna për të vendosur emrin e Trump në ndërtesë filloi të nesërmen. Videot që qarkulluan në mediat sociale treguan turma qytetarësh duke duartrokitur dhe brohoritur ndërsa ekipet vendosnin skela për të hequr tabelën.