Presidenti i Ukrainës, Volodymyr Zelensky, të shtunën uroi Shtetet e Bashkuara për 250-vjetorin e pavarësisë së tyre.
Ashtu si amerikanët luftuan dhe mbrojtën pavarësinë e tyre, Ukraina tani po lufton për sovranitetin e saj, lirinë e saj dhe të drejtën e qytetarëve të saj për lumturi”, shkroi Zelensky në një mesazh me këtë rast.
Ai tha se Shtetet e Bashkuara kishin ndihmuar në çlirimin e botës nga “tiranët” në shekullin e kaluar dhe kishin ndërtuar partneritete që sollën paqe të qëndrueshme dhe mundësi për zhvillim në liri.
Tani, në shekullin e 21-të, ndikimi dhe rëndësia e Amerikës sigurisht nuk janë më pak,” shkroi ai më tej.
“Dhe ne e shohim këtë veçanërisht qartë në Ukrainë, e cila po lufton për pavarësinë e saj, lirinë dhe të drejtën e popullit tonë për lumturi me të njëjtën shpresë, të njëjtin qëllim dhe të njëjtën vendosmëri me të cilën amerikanët fituan dhe mbrojtën pavarësinë e tyre.” Ai përfundoi: “Uroj që ëndrrat e njerëzve të lirë të triumfojnë gjithmonë mbi të keqen dhe urrejtjen e atyre që kërkojnë të shkatërrojnë lirinë. Amerikë, faleminderit! Jam i bindur se nëse jemi së bashku, patjetër do ta arrijmë paqen! Urime për Ditën e Pavarësisë!”