Mësimdhënia në Oksford të Anglisë filloi që në vitin 1096, duke shënuar fillimin e universitetit më të vjetër në botën anglofone. Pas vitit 1167, kur mbreti Henry II ndaloi shtetasit e tij të ndiqnin Universitetin e Parisit për shkak të një mosmarrëveshjeje me kryepeshkopin Thomas Becket, Oksfordi përjetoi një rritje të shpejtë. Deri në vitin 1264, institucioni u zhvillua si një universitet i plotë, duke përfshirë kolegjet University, Balliol dhe Merton.
Sipas UNESCO-s dhe Guinness World Records, ky titull i takon Universitetit al-Qarawiyyin në Fez të Marokut, i themeluar si xhami në vitin 859. Ndërkohë, Universiteti i Bolonjës në Itali, i themeluar në vitin 1088, mban rekordin si institucioni më i vjetër i këtij lloji në botën perëndimore.
Megjithatë, themelimi i qytetit Tenochtitlán, që shënoi fillimin e këtij qytetërimi, ndodhi në vitin 1325, pra 229 vjet pas fillimit të mësimdhënies në Oksford. Perandoria Azteke u formua pas aleancës së vitit 1428, por mbretërimi i saj përfundoi në vitin 1521, kur forcat spanjolle dhe aleatët e tyre indigjenë pushtuan Tenochtitlánin. Shtëpia e Bardhë (The White House), guri i themelit të së cilës u vendos në vitin 1792, ka ekzistuar për një periudhë më të gjatë se sa kohëzgjatja e Perandorisë Azteke.
Këto krahasime shërbejnë për të ilustruar se si perceptimi ynë për historinë shpesh është i shtrembëruar. Siç shkroi autori Tim Urban në blogun e tij “Wait but Why” në vitin 2013: “Njerëzit janë të mirë në shumë gjëra, por vendosja e kohës në perspektivë nuk është një prej tyre”. Hapësirat kohore në historinë njerëzore janë shpesh shumë më të gjera sesa mund të perceptohen nga jeta jonë e përditshme.
Burimi: smithsonianmag.com