Në fundjavë u zhvillua xhiro e parë e Ligës Unike në basketboll. Skuadrat Kosovare kanë shënuar dy fitore dhe kanë pësuar dy humbje.
Ndeshja e parë u luajt të shtunën në Tiranë ku skuadra vendase Tirana Neptun e mposhti Rahovecin me shifrat 79:74.
Ndërkohë të dielën u luajtën tri ndeshje, edhe pse fillimisht në program kishin qenë vetëm dy.
Në Suharekë, Kamza e mposhti Prizreni 16 me shifrat 96:91.
Dy ndeshjet e fundit u fituan nga skuadrat kosovare.
Peja e mposhti Teutën e Durrësit me rezultatin 82:73. Kurse Ylli shënoi fitore ndaj Vllaznisë me rezultat 79:67,ndeshje kjo e zhvilluar në Shkodër.
MVP i xhiros së parë u shpall lojtari i Tirana Neptun, Endrit Hysenagolli. Qendra shqiptare arriti të shënonte 24 pikë në ndeshjen e zhvilluar nda Rahovecit, arriti 18 kërcime si dhe ndihmoi bashklojtarët e tij me 4 asistime.