Skuadra e Milanit ka fituar “Derby della Madonnina” me përmbysje të rezultat në pjesën e dytë. Olivier Giroud i siguroi fitoren Milanit pas dy golave të shpejtë.
Inter, e nisi më mirë pjesën e parë me sulme të shpejta dhe shënoi për epërsinë fillestare në minutën e 39-të.
Ivan Perisic shënoi pas asistimit të Hakan Calhanoglu dhe shkuan në pushim mes pjesëve me epërsi për rezultatin 1:0.
Milan u rikthye më i fortë në pjesën e dytë.
Për vetëm katër minuta, sulmuesi francez, Olivier Giroud shënoi dy gola, duke përmbysur kështu epërsinë e Interit dhe duke ia dhuruar tre pikë të vlefshme Milanit.
Giroud shënoi në minutën e 75-të dhe 79-të.
Milan tashmë gjendet vetëm një pikë pas Interit, të cilët akoma mbajnë kreun e tabelës në Serie A.