Prishtina ka arritur fitore ndaj Drenicës, në ndeshjen e cila zgjati plotë 120 minuta. “Bardhë e kaltërtit” fituan me rezultat 2:1 dhe u kualifikuan në çerekfinale të kupës.
Ndeshja ishte e tensionuar që nga fillimi, ndërsa rezultati u zhbllokua vetëm pas minutës së 60-të.
Kreshnik Uka shënoi për Drenicën duke i dhënë epërsinë mysafirëve.
Për shkak të ndërprerjeve të shumta gjyqtari, Mervan Bejtullahi vendosi tetë minuta shtesë, duke e acaruar kështu trajnerin Tahir Lushtaku
Prishtina arriti të barazonte shifrat pikërisht gjatë kohës shtesë. Besnik Krasniqi shënoi për bardhë e kaltërtit nga penalltia dhe ndeshja shkoi në vazhdime.
Sadam Sulley shënoi me të filluar koha shtesë duke kaluar në epërsinë Prishtinën.
Mysafirët kishin mundësi ta barazonin rezultatin gjatë kohës shtesë por fati nuk ishte në anën e tyre.
Për shkak të ofendimeve gjyqtari Bejtuhllahu përjashtoi nga ndeshja trajnerin e Drenicës, Tahir Lushataku dhe ndihmëstrajnerin e Prishtinës, Debatik Curri.