Barcelona ka mbyllur marrëveshjen aktuale me sponsorin e tyre “Rakuten” dhe thuhet se ka arritur marrëveshjen me platformën e muzikës “Spotify”.
Sipas asaj që raporton RAC1, Sportify do të jetë sponsor i klubit katalunas për tre vitet e ardhshme, duke përfshirë këtu sponsorisimin e fanellave të meshkujve dhe të femrave.
Nëse gjithçka shkon sipas planit dhe dy kompanitë arrijnë marrëveshje, stadiumi “Camp Nou” po ashtu do të ndryshojë emrin.
Stadiumi i gjigantit katalunas do të quhet “Camp Nou Sportify”, derisa kompania do të ketë edhe disa të drejta të tjera.
Nga kjo marrëveshje e arritur, Barcelona do të arkëtojë plotë 280 milionë euro dhe gjithçka pritet të zyrtarizohet gjatë kësaj jave.