Skuadra e Fenerbahçe është duke menduar largimin e sulmuesit me origjinë shqiptare, Mërgim Berisha, pas paraqitjeve të dobëta.
Berisha, i cili u transferua me shpresa të mëdha në fillim të sezonit, ka zhgënjyer drejtuesit e klubit me paraqitjet e tij në ndeshjet e fundit, e sidomos në ndeshjet e Kupës së Turqisë.
Sulmuesi 23-vjeçar, kishte mundësi të mira shënimi, por nuk arriti të realizonte gol në ndeshjet e Kupës dhe “Feneri” u eliminua përfundimisht nga gara për Kupën e Turqisë.
Ai, po ashtu ishte akuzuar edhe nga tifozët e Fenerbahçes për paraqitjen e dobët dhe reagimin e tij ndaj tyre, ku Berisha hoqi fanellën e skuadrës turke.
Sipas asaj që raportojnë mediat turke, drejtuesit e klubit janë duke menduar largimin e Berishës apo huazimin te ndonjë skuadër tjetër.